Hindi pa man nag-init ang upuan niya nang tumabi si Alejandro sa kanya. Umorder din ito ng Martini. Hindi niya pinansin nang mag 'Hi' ito. Sinasadya pa nitong idikit ang mga braso sa kanya kaya nainis siya. Inirapan niya ito. Itinuon niya ang tingin sa dance floor pagkatapos ubusin ang alak niya. Humingi ulit siya sa bar tender. Narinig lang niya ang paglapag ng kopita sa harap. Mayamaya ay umalis na si Alejandro pero nag-iwan ito ng nakakalokong ngiti.
Naka tatlong shots lang siya ng martini. Hindi na niya kaya ang pang-apat na shot. Naupo na lang siya habang tinatanaw ang mga grupong nagsasayawan.
Napatingin siya sa pambisig na relo. 30 minutes pa lang siya sa bar pero parang gusto na niyang umuwi. Hindi niya mawari ang pakiramdam nang mga oras na iyon. Panay ang pag-igting ng kalamn
