Kaybilis ng panahon, tatlong taon agad ang nakalipas mula ng ikasal sina Denver at Charlotte.
" Hmmmm, bango naman ng babe ko. " masuyong bulong ni Denver sa tenga ni Charlotte, kapapaligo pa lang niya noon nakita niyang may mga hugasan sa lababo kaya hinugasan na niya ito kahit nakatuwalya.
Natatawa siya sa ginagawa ni Denver na pagsinghot-singhot sa batok niya.
" Ano ba babe, nakikiliti ako." napapahagikhik pa siya pero mahina lang dahil natatakot siyang marinig sila ng kanyang Inay at ng mga bata.
Isang taon palang silang nagsasama ng lumipat sila ng bahay. Nakabili kasi si Denver ng house and lot sa may Parañaque, pinangarap kasi nila na magkaron ng sariling bahay na may space para mapagtaniman niya ng magagandang bulaklak at may space para makapaglaro ang kanilang mga anak. Na
