MULING tiningnan ni Janicah ang oras sa wall clock. Mag-a-alas-dyes na ng gabi pero wala pa rin si Ezekiel. Pumunta ito sa Casa de Playa kasama sina Tito Elmer, Tito Alfredo at ang mga magulang nito. After lunch pa iyon at nangakong uuwi rin kaya hindi na siya sumama dahil buong akala niya ay ihahatid lang din nito.
Tumawag siya kanina bago sila maghapunan sa mansiyon ngunit hindi naman daw makakauwi agad si Ezekiel dahil may tinatapos lang. Tapos ngayon anong oras na? Wala pa rin ito.
Hindi pa naman siya sanay na wala ito lalo na sa gabi. Hindi agad siya dalawin ng antok.
Napatingin siya sa may pinto ng silid nila ni Ezekiel nang marinig ang pagbukas niyon. Saka lang siya nakahinga ng maluwag nang makita ang pagdating ni Ezekiel.
Tumayo siya mula sa pagkakaupo sa may kama at sinalubon
