"Hannah, ikaw na ba talaga iyan? Ang ganda, ganda mo hija," salubong sa kanila ni Manang Ising pagpasok na pagpasok palang nila ni Dylan sa malaking bahay ng Villa.
"Kumusta na po Manang Ising," bati naman niya sa matandang babaeng titig na titig sa kanya.
"Heto maayos naman, andito pa rin kami ni Rita sa Villa ni Doc Dylan," tugon naman nito.
"Manang Ising naihanda niyo po ba ang master bedroom?" Tanong ni Dylan na bahagya pa niyang kinagulat.
"Opo, Doc maayos na ho lahat. Nakapagluto na rin po ako ng agahan niyo ni Hannah," tugon ni Manang Ising.
"By the way Manang Ising," sabi ni Dylan sabay akbay pa nito sa kanya. Bahagyang nanlaki ang kanyang mga mata.
"This is Hannah, my wife," pakilala ni Dylan sa kanya.
Habang nasa biyahe sila kanina, sinabi ni Dylan na ipakikilala na siya
