GETTING INTENSIFIED
"Hernandez! May dalaw ka.." tawag ng lady jail guard. Agad na napangiti si Miya. Siguro ay ang nanay Edna niya. Iyon kasi ang sabi nito, dadalawin siya kapag maayos na ang itay niya. Kaya hindi nakadalo ito sa korte ay dahil wala siyang mapaghabilinan sa amang baldado. Mahirap kasi itong iwan mag-isa dahil tanging mata at bibig na lamang ang naigagalaw mula noong huling atake nito.
Ngunit napalitan ang ngiti sa mukha ng pagdududa ng makita ang mga bisita. Alinman sa mga ito ay hindi niya kilala. Napuno tuloy siya ng pagtataka. Napahinto siya sa paglapit sa mga ito hanggang sa sila na mismo ang tumingin sa kinaroroonan niya at agad na tumayo ang mga ito. Tumingin sa kaumbukan ng kaniyang tiyan. Nakita niya ang simpatya sa mukha ng ginang habang ang kasamang lalaki nama
