RUSH HOUR
May trenta minutos na nilang kasama si Miss Delaila ngunit hanggangsa sandaling iyon ay hindi pa rin makapaniwala si Klint na ang babaeng siniraan kay Miya ay siyang tunay nitong ina.
"Anong kinalaman ni David at kailangan mo siyang makausap?" Maya-maya ay apuhap na tanong rito. Doon ay napatigil si Delaila sa pag-iyak at mabilis na pinahid ang luha.
Nalilito pa rin si Delaila kung pagkakatiwalaan ba niya ang lalaking nasa harapan. Nahirapan tuloy siyang sagutin ang tanong nito.
Basang-basa ni Klint ang nasa mukha ng babaeng nasa harapan. May pag-aalinlangan ito kung sasagutin ba ang tanong niya. Muling bumalik ang pagdududa nang magsalita ito.
"Kahit na sinong ina ay gagawin ang lahat lalo pa kung para sa kapakanan ng anak mo. Ramdam ko ang panganib pero hindi ko inaasaha
