Nasapo ni Rose ang noo. Sumasakit na kasi ang ulo niya sa kakaisip. Tapos ay napatingin siya sa kaibigang himbing na sa pagtulog. Alam niyang pinipilit lamang ni Juliana na magpakatatag sa kabila ng nangyari kay Arnold. Alam niya kung gaano nasasaktan ngayon ang kanyang kaibigan. Kung sana may magawa siya. Pero wala eh.
Sa kaligtasan nila ay nagpasiya silang dalawa na umuwi na lang sa bahay. Kahit na gustong-gusto sana ni Juliana na asikasuhin ang burol ng nobyo nito. Kawawang kaibigan niya.
Pasalamat niya na lamang at mas matatag na ngayon si Juliana. Ayaw sigurong sayangin nito ang pagsasakripisyo ni Arnold mailigtas lamang sila sa sumpa.
Pasalamat din niya at umaayon naman ang sugat niya sa balikat. Hindi na ito masakit kahit pa sariwa pa ang sugat. Pinagtitiisan na lang niya ang gam
