TMP15: Lady in Mask
December 2003
Agad na lumapit ang limang taong gulang na si Darcy sa kanyang ama, sumilip din siya sa litratong tinitignan ng ama. “Bahay po ba natin yan?” inosente niyang tanong sa ama.
Ngumiti ang ama niya sa kanya saka naman siya kinuha at pinaupo sa tabi nito at sabay nilang pinagmamasdan ang mga lumang litrato. “Hindi na anak, binili na yan sa atin, yong perang makukuha natin ibibili natin ng farm sa probinsya at doon na kayu ng ate mo magsisilakihan.”
Dahil wala pang alam si Darcy lahat ng bagay na sabihin sa kanya ng magulang niya ay maganda, napangiti siya at pumalakpak. “Talaga papa, masaya po ba doon sa sinasabi ninyong probinsya?”
“Oo naman, maraming hayop, malinis ang kapaligiran at sariwang hangin. Doon na lang tayo anak hanggang sa lumaki kayo, tapos
