HINDI MAIWASANG MAGALIT sa sarili si Akilah nang mga sandaling iyon. Para na kasi siyang tanga kaka-monitor kung nakabalik na ba si Naarah. Apat na oras na kasi ang nakalipas pero hindi pa umuuwi si Naarah. Hindi na niya maintindihan ang sarili pagkatapos niyon. Wala rin siyang ginawa kung hindi ang tumingin sa orasan. Sinundo kasi ito kanina ni Liam at hindi niya alam kung saan ang punta ng mga ito. Hindi niya masundan dahil isang sasakyan lang ang meron siya, kilala pa ni Naarah. Baka mas lalo siyang baliwalain ni Naarah kapag nalaman nito.
Isang buwan na ang nakalipas matapos ang maiinit na tagpo nila ni Arah, pero hindi pa rin siya nito pinapansin. Mas lumala nga. Hindi na siya nito kinakausap. Tinatalikuran siya nito kaagad. Kung bibili man siya ng inihaw dito, dinadaan nito sa sulat
