Episode 42
HIDING SOMETHING
Kendra
Nagising ako nang kapain ko ang tabi ko na walang Enriel na natutulog. Napabalikwas ako ng bangon at nakita ko siyang umiinom ng alak sa may balkonahe. Pansin kong parang tulala siya kanina pa at may malalim na iniisip. Sa maghapon ay nahuhuli ko siyang nakatitig sa akin tapos ay ngumingiti nang malungkot. Nag-aasaran pa kami kanina nang umuwi kami pero heto siya at bigla na lang parang pinagsakluban ng langit at lupa na naman.
May problema kaya siya?
Tuluyan akong bumaba sa kama nang itukod niya ang mga braso sa railing at yumuko siya na parang umiiyak.
Hay naku, may dinidibdib na naman ang baby damulag. Pa-baby naman kasi siya sa akin kahit noon pa. Akala mo lang kung sinong makapag-salita at magyabang pero naman pamahal at gustong-gusto na
