GEORGE
HALOS lumundag ang aking puso palabas ng aking dibdib dahil sa labis na kaba nang makarating kami sa parking space ng gusali. Kahit pa nga ba heavily tinted ang kotse niya ay naroon pa rin ang takot ko na baka mayroong makakita sa aming dalawa. Dapat talaga ay iginiit ko na lamang na doon na lamang bumaba. Pakiramdam ko kasi anumang oras ay maaaring may makakita sa aming magkasamang dumating.
"Ganito, mauuna akong bumaba tapos—" Hindi pa man ako tapos sa pagpapaliwanag sa kanya nang aming magiging plano ay agad na itong bumaba nang sasakyan na tila ba walang pakialam sa paligid. Agad akong yumuko at pilit na nagtago sa loob ng sasakyan.
"What are you doing?" kunot-noong tanong niya sa akin nang linungin niya ako.
"Ano pa sa tingin mo? Eh di, nagtatago," inis kong turan sa kanya
