GEORGE
HALOS magdadalawang linggo kaming hindi nagkita niya Grant hindi dahil sa abala kaming parehas kung 'di ang totoo ay talagang iniiwasan ko siya. Sa araw na araw na pagkatok niya sa aking apartment, kahit minsan ay hindi ko ito pinagbuksan ng pinto.
Hindi ko alam kung matutuwa ba ako at magpapasalamat dahil sa kabila ng nangyari ay nagawa kong matapos ang aking nobela sa loob ng dalawang linggo. Dahil sa kagustuhan kong mawala ang atensyon ko sa pag-iisip sa kanya ay pinilit kong itutok ang aking buong atensyon sa aking sinusulat dahilan upang matapos ko iyon.
Aminin ko man o hindi ay malaking tulong ang nagawa nang mga itinuro ni Grant sa akin upang maging maayos ang takbo ng aking pagsusulat.
Ngayon ang araw na ipakikilala ang sa amin bagong mamamahala ng Montenegro Publishin
