GEORGE
NAKAILANG ulit akong nagpabaling-baling at tumingin-tingin sa aking paligid. Narito ako ngayon sa Pier kung saan nakadaong ang barkong pagdadausan ng workshop. Ayon iyon sa detalyeng ibinigay sa akin ni Ms. Alyssa. Maaga akong umalis sa bahay dahil alas syete ng umaga raw ang alis ng barko.
Halos humaba ang aking leeg sa pagtanaw sa loob ng barko habang papasok doon. Pilit akong naghahanap nang maaari kong kakilala. Kanina ko pa tinatawagan si Blessie ngunit hindi ito sumasagot.
Mamaya ko na lamang siya hahanapin kapag nakapagsettle na ako sa aking silid, turan ko sa aking sarili.
Nang tuluyan na akong makasakay ay inabot ko lamang sa isa sa mga crew and black card na ibinigay sa akin ni Ms. Alyssa. Ayon sa kanya ay iyon daw ang ipakita ko sa crew pagpunta ko at alam na nila ang
