Hindi ko inaasahan na makakasalubong ko pa ang aking mga magulang habang naglalakad ako kasama si Tyron matapos naming lagpasan ang tatlong babaeng humarang kanina sa akin.
Tumigil ako sa paglalakad isang dipa ang layo sa kanila.
"Bakit? Sino sila, Avery?" tanong sa akin ni Tyron na siniko pa niya ako ng maramdaman yata ang pagdadalawang isip ko na makaharap sila.
Ito ang unang beses na bumisita sila dito sa Falcon kaya hindi ako sigurado kung magiging maganda ba ang pakay nila. Simula kasi ng dumating ako galing sa bahay ni Kendrick ay hindi ko pa sila nakausap ng maayos at halata ang pag iwas nila at ayaw naman nila akong kausapin kung gusto kong magbukas ng usapan sa kanila.
Hindi ko sinasgot si Tyron, humakbang pa ako ng ilang hakbang at tumigil mismo sa harap nila.
"Ma, Pa, anong
