LIEGH
Salubong ang kilay na inirapan ko si Declan. Wagas kung makangiti siya na akala mo ay may nakakatawa sa sinabi ko. Kung alam lang niya kung paano nag-iinit ang bunbunan ko ngayon ay baka hindi siya magtatangka na ibuka ang labi.
"Okay lang kung naiinis ka kay Leticia pero hindi ka pwedeng matulog sa labas. Malamig ang panahon at baka magkasakit ka lang doon," sabi nito na hinawakan ako sa braso.
"Sanay akong matulog mag-isa. Hindi ko problema kung malamig dahil may kumot akong dala," taas noo na sagot ko.
Nanlilit ang mga mata ko ng tumawa si Declan na mukhang natutuwa pa na makita akong mainit ang ulo ngayon. Hindi ko alam kung manhid ba siya at walang pakiramdam kaya hindi niya sineseryoso ang mga sinasabi ko.
"Well, noon 'yon. Iba na ngayon, may asawa ka na at syempre, dapat
