KABANATA 55:
TUMINGIN ako kay Carlos na tila humihingi ng paumanhin. Sumulyap siya sa akin bago sa likod ko.
“Sigurado ka?”
Mukhang nakuha niya na kung ano iyong gusto kong mangyari. Tumango ako.
“Magu-usap lang kami. Sa bahay na lang tayo magki—”
“Who said you’re going to stay there again?”
Hindi ako nakasagot. Ayoko na kasing magsalita at medyo nahihiya na ko na maraming tao kaya hinayaan ko na lang siya. Mabuti na lang at nanahimik din si Carlos. Tinanguan lang ako nito at sumulyap sa likod ko. Parang may ibig sabihin pa ata iyong tingin nilang dalawa ni Logan. Kahit saglit lang iyon ay medyo halatado pa rin. Umalis si Carlos at iniwan kami.
Bumuntong-hininga ako at hinarap si Logan. Salubong ang kilay nito at hindi maipin
