TULUYANG nakahinga nang maluwag si Patti nang tumigil ang traysikel sa mismong harap ng gate ng bahay nila. Matapos magbayad ay agad siyang bumaba at ilang minutong pinagmasdan ang kabuuan ng kanilang tahanan.
Sa bahay na iyon siya nagkaisip at lumaki. Doon na siya nagdalaga. Halos lahat ng magagandang alaala ay doon nangyari.
"Bakit ba umalis-alis pa ako?" Nailing siya sa sarili. Masiyado siyang nagpalunod sa ideya na may prince charming na nauto sa beauty niya. Kaya kahit walang kasiguraduhan ang pag-ibig nito, mabilis niyang sinunggaban.
Ang inakala niyang fairytale, bangungot pala. Ang masayang buhay na inaasam niya, naging kasing-pait ng paracetamol na dinurog at inihalo sa tubig.
Malungkot siyang ngumiti bago binuksan ang gate ng bakuran nila. "Itay?"
Hindi nakakandado ang pinto
