IRITADONG dinukot ni Maggie ang cell phone sa loob ng dalang maliit na handbag. Nang makita ang pangalan ni Hilda, nagmamadali niya itong sinagot bago tumigil sa paglalakad.
"Oh, tita! Napatawag ka? Ikaw, ha? Juliet, Juliet." Umirap siya dahil sa inis. Kanina pa kasi ito tawag nang tawag sa kaniya. Pilit niya itong dinideadma pero napakakulit nito.
"Where are you?"
"Nasaan pa? E, `di nasa labas! Ginagawa ko na ang plano ko."
"Siguraduhin mo lang na magtatagumpay ka. Oras na hindi hiniwalayan ni Andriano si Patti, sisingilin kita sa lahat ng nagastos ko sa iyo."
Bahagyang umawang ang mga labi niya sa inis. At siya pa talaga ang tinakot ng babaeng impakta. Hindi bale, kapag nagpakasal na sila ni Andriano, manghihiram ito ng mukha sa aso!
"Tita, wala ka bang tiwala sa akin?"
Narinig ni
