Blythe
MATAPOS ang pangyayari noong gabing ’yon ay hindi ko na nakita pa si Vaughn kinabukasan. Akala ko ay busy lang ito sa mga negosyo niya at uuwi rin pagsapit ng gabi. Pero hindi, walang Vaughn na umuwi.
Naghintay ako sa kaniya ng isang gabi, dalawang gabi, hanggang sa naging isang linggo at umabot na sa dalawang linggo. Hindi na talaga siya nagparamdam pa sa akin. Pero tumatawag naman siya kay Tristan para kumustahin kaming dalawa.
Hindi ko mapigilan ang makaramdam ng lungkot. Nami-miss ko na siya sa totoo lang, parang nangungulila ako sa kaniya bawat gabi na wala siya sa tabi ko. Nasanay na kasi ako na kayakap siya lagi tuwing gabi at nakakatulog ako sa mga bisig niya.
Pero siguro ay sadya siyang lumayo ngayon dahil sa nangyari sa amin noong gabing ’yon. Hindi siya nakapagpigil d
