KABANATA 21:
ISANG LINGGO ANG LUMIPAS na wala kaming balita tungkol kay Nomi. Panay ang text at tawag ni Leia sa akin, na subukan naming hanapin si Nomi sa astral realm. Nag-aalala siya, nag-aalala rin naman ako. Pero ayaw ko nang mangialam sa problema nilang mag-anak. Malapit na naman ako sa puntong gusto kong pagsisihan ang pagtulong ko. . .
Nangyari na ito noon sa akin. Tumulong ako ngunit ako pa ang napasama. Hindi ako nagkamali ng pagbibigay ng gamot sa pasyente. Iyong doctor na naka-assign sa paggamot ng anak niyang may sakit ang nagkamali. Sinabihan ko ang doctor, na mali ang gamot na ibinibigay niya ngunit sa huli, pilit niyang ibinibigay ang parehong gamot sa pasyente. At nang mamatay, hindi ko nakita ang pagsisisi sa mga mata ng doctor na iyon. Tandang-tanda ko ang mukha at pan
