Matapos makapag pahinga at makapagbihis bumalik sila sa meeting place kung saan naroon pa rin ang mga magulang ni Zandro hinihintay ang resulta sa bilangan.
"Landslide na iyan," tumatawang sabi ni Mr. Lazatin na kasama din nila sa panonood ng bilangan sa TV.
Malaki na ang agwat ng boto ni Zandro at Julio. Ganoon rin si Nikka, nangunguna ito kay Wilson. Matatalino ang mga kababayan nila, hindi maloloko nina Julio at Wilson ang mga tao sa San Miguel.
"Sigurado na ang panalo mo Zandro," narinig niyang sabi ni Nikka kay Zandro, at pasimple pa nitong hinaplos ang braso ng binata. Napakunot ang noo niya at nagtaas ng kilay.
Nakaupo silang lahat sa tapat ng malaking mesa, ang mga magulang ni Zandro at mga magulang ni Nikka, pati na rin ang ilang konsehal na kapartido ni Zandro. Nakapagitna si
