ANG NALALAPIT NA PAGSASANAY
JANINE ROICE POV.
PANAY ang sulyap ko sa regalong inabot ni Jack kay Mommy. Hindi ako mapakali; may kung anong kilabot at kaba ang gumagapang sa dibdib ko tuwing tumatama ang mata ko roon.
Dinampot ko ang maliit na glass bear at dinala iyon sa veranda, umaasang baka may clue akong makikita. Maingat kong hinaplos ang gilid, saka ko nakita ang tatlong letrang nakaukit… mga initial na hindi ko kilala, hindi ko man lang matandaan kung saan ko narinig.
Matagal ko iyong tinitigan, para bang may nag-uutos na isipin ko kong mabuti. Bumuntong-hininga ako at ibinalik ang glass bear sa dati nitong pwesto, bago tuluyang lumabas ng silid.
Pagdating ko sa hagdan, natanaw ko si Daddy sa sala. Mula pa kahapon, hindi pa kami nag uusap. Hanggang ngayon, iniisip ko pa rin ku
