Pagkatapos namin sa arcade ay inaya na ako ni Kian na umuwi. Pumayag ako at sumakay kami sa elevator. Pagkasara na pagkasara ng elevator ay agad niyang hinubad ang coat niya at niluwagan ang neck tie niya. Tinupi niya ang polo niya hanggang siko. May nilabas siyang gloves sa bulsa at sinuot ito.
Nagtaka ako sa ginagawa niya.
"Anong ginagawa mo?" hindi niya ako sinagot at napatakip nalang ako ng bibig nang tumungtong siya sa isang hawakan na bakal sa loob ng elevator at kinapa ang taas na bahagi nito at binuksan ang ibabaw. "Kian ano yan?" napakabilis ng kilos niya na agad niyang narating ang ibabaw non.
Naramdaman ko ang pagtigil ng elevator. "I'll explain to you later, give me your hand." kahit nagtataka ay inabot ko ang kamay ko at pumatong sa bakal.
Nagawa niya akong hilahin pataas.
