KABANATA 19:
HINDI maalis sa isip ko ang nangyari kanina kahit na anong gawin ko parang sirang plaka na paulit-ulit iyon sa aking memorya. Bumalik ako sa kusina na nakapalit na ng damit. Naabutan ko si Manang Bekay at si Kuya Jose sa kusina.
“Kain tayo, Winona,” yaya niya sa akin na tinanguan ko lang. Dumiretso agad ako sa lamesa para kunin iyong tray na may bagong lutong pagkain para sa alaga namin.
“Ayaw pa rin kumain ng alaga niyo?” tanong ni Kuya Jose habang kumakain ito ng naka-kamay.
Nagpunas ng kamay si Manang Bekay at ito na ang sumagot.
“Naku, ano pa ba. Sasamahan ko na nga itong si Winona dahil hindi pa din nakain ang alaga niya. Imbes na gumaling lalong magkakasakit sa ginagawa niya,” sabi ni Manang Bekay at balak na nga atang sumama sa akin.
“Huwag na, Manang. Ako na po.
