KABANATA 15:
UMIYAK si Mrs. Oliveira ng sabihin kong pumapayag na ko. Lumambot lalo ang puso ko. Wala ng atrasan ito. Nasabi ko na. Natapos ang pagu-usap namin sa walang humpay na pasasalamat nito sa akin. Pati tuloy ako napaluha na din.
Bumalik ako sa loob ng kwarto ni Daniel at naabutan ko itong nasa gilid ng kama. Nakasandal at nakapikit. Bigla akong sinipa ng awa para sa kanya. Lumambot ang mga mata ko habang tahimik na pinagmamasdan ito. Nakatulog na ata sa pagod. Kung makikita ito ni Mrs. Oliveira, paniguradong mahahabag siya lalo sa anak niya. Ako ngang hindi ko siya kaano-ano. Nakaramdam na ng pagkahabag, ano pa kaya kung mismong ina na niya ang makakakita.
Malaki ang pinayat ni Daniel kumpara noong una ko siyang nakita. Lately na lang kasi siya kumakain ng tama. Ganunpaman, hin
