"Ma'am Hannah, may naghahanap po sa inyo sa labas."
Tinigil ko muna ang ginagawang pag-a-arrange ng ilan ng nabili naming gamit para kay baby. Nakapagpa-checkup na kami. Hindi na ako magtataka kung ang bilis ko man nabuntis sa ikalawang pagkakataon. Noong una nga ay isang beses lang 'yon, pero nagkaroon agad kami ni Troy ng kambal.
"Sino raw?" tanong ko sa kasambahay habang bumababa kami ng hagdan.
"Joshua po. Magkasama raw kayong nagturo sa probinsya." sagot nito.
Saglit akong huminto sa paghakbang. "Naku, papasukin mo na at kaibigan ko iyon."
Tumango ang kasambahay at mabilis nang lumabas para papasukin ang bisita ko. Naghintay ako sa sala hanggang sa natanaw ko na nga ang pagpasok nito sa bahay. Agad ko siyang sinalubong ng ngiti. Lumapit siya at sandaling yumakap sa akin.
"Hi
