"Kukunin lang po namin ang mga gamit ni Hannah, 'Nay." ani Troy kay Nanay.
Isang makahulugang ngiti ang ibinigay sa akin ni ate Emily. Bahagya naman napakunot noo naman ako sa kaniya. Lumapit pa siya sa kinatatayuan ko at tumabi sa akin. Marahan niyang binangga ang braso ko pagkatapos. Abala ang mag-aama sa pamilya ko.
"Ayos na kayo?" bulong sa akin ni ate.
Nanatili pang kunot bahagya ang noo ko hanggang sa napabuntong hininga nalang. "H-Hindi pa... uh, hindi pa kami nakakapag-usap." sabi ko.
Nangingiti paring tumango ang hipag ko. Muli siyang bumulong. "Madali lang 'yan, mamaya sa kuwarto ninyo-"
Agad nag-init ang mukha ko. "Ate!"
Ngunit humagikhik lamang ito. Napailing nalang ako.
Pagkatapos mailagay ni Troy ang mga gamit ko sasakyan ay nagpaalam narin kaming uuwi. Handa na ang
