Naging masaya at memorable naman ang nangyaring birthday party ng kambal. Nakita namin ni Troy ang tuwa ng mga anak namin nang araw na 'yun. Napagod nga ang mga ito na maaga silang nakatulog kinagabihan. Kaya naman sa sumunod na araw na nila nagawang buksan ang kanilang mga regalo.
"Si Daddy wala pang gift sa 'min!" nakangusong puna ni Kane, araw ng linggo kinabukasan.
Sa kabila ng halos gabundok na regalong natanggap nila sa kanilang kaarawan ay hinahanap parin ng dalawa ang gift ng Daddy nila. Dalawang magkaparehong relo naman ang naging regalo ko sa aking mga anak. Iyon ang napili kong ipanregalo dahil palagi kong makikitang suot nila.
Nakangising lumapit si Troy sa mga anak namin na nagpatuloy sa pag-u-unwrap ng mga regalong natanggap nila dito sa malaking sala ng bahay. Tinulunga
