Kinabukasan, maaga akong nagising sa hindi malamang dahilan. Nagsimula akong ayusin ang sarili ko. Maaga akong nag-umagahan na siya namang gumulat sa kagigising na kasambahay namin dahil naunahan ko pa siya na gumising.
“May himala ata, anak?” aniya na ikinatawa ko lamang.
“May tatapusin pa ho kasi ako, e,” sabi ko na lamang.
Nag-diretso ako sa loob ng silid at binuksan ang laptop. Binalikan ko ang mga articles noon tungkol sa mga naging kaso ni Miss Caniete, maging sa mga balita na halos wala ng kwenta tungkol sa kaniya. Kinakailangan ko na makahanap ng impormasyon na makatutulong sa imbestigasyon. Nagbasa-basa rin ako ng mga chat ng mga kaklase ko upang kahit papaano ay magkaroon ng kaalaman sa kanilang mga nakalap.
‘Robin Caniete did not have any burial’ ani noong
