ILANG araw na mula nang mangyari kay Cyrhel ang tangkang pagkidnap sa kanya. Hanggang ngayon ay hindi pa rin siya totally nakaka-recover. Every time na may maririnig siyang ingay o kakaiba sa paligid ay napababalikwas siya ng bangon.
Malakas ang tahip sa kanyang dibdib, bumangon siya at sinindihan ang ilaw saka nagtungo sa maliit na kusina at uminom ng tubig. Bigla siyang napatakbo pabalik ng kuwarto nang makarinig ng kaluskos. Nangangatog ang tuhod na ginising niya ang itinuring niyang ina.
“Naynay, gising po. Parang may tao sa pintuan.” Agad na bumangon ang ginang at may takot din sa mga mata na niyakap siya.
Nangangatal, magkahawak-kamay at maingat silang naglakad patungo sa maliit niyang kuwarto, inangat ang foam ng kama at may kinuha doon saka ipinasok sa loob ng kanyang tiyan. Sig
