EMILY/SCARLETT
"WELCOME back, Ma'am Emily!"
Pagkapasok ko pa lamang sa Ever After Boutique ay sinalubong na agad ako ng mga staff ko. May hawak silang tarpaulin at doon nakasulat ang mga katagang, "Welcome back, Ma'am Emily!" at natawa pa ako nang makitang may picture ako roon.
"Maraming salamat sa inyo. Hindi ko naman in-expect na susurpresahin niyo ako ng ganito," nakangiti kong sabi.
Lumapit si Amy sa akin habang may hawak na bulaklak. Nang makalapit ito, inabot nito sa akin ang bulaklak na akin namang tinanggap agad.
"Para po sa inyo, Ma'am Emily. Masayang-masaya po kami dahil sa wakas, after two years, nakabalik na po kayo rito."
"Naku, nag-abala pa kayo pero salamat sa inyo, ha? Thank you for the warm welcome."
Nakangiti akong tinanguan ng mga staff ko and after that, bumalik
