NAPAHINTO si Tanya sa akmang pagpasok sa loob ng kusina nang makaringgan niya ang seryosong pag-uusap ng dalawang kawaksi na kasama nila sa pinuntahan nila nina Karzon.
“Totoo ba talaga ‘yon, Jane?”
“Oo, Mariz. Totoong-totoo. Dinig na dinig ko, eh.”
“Susmaryosep. Paano kaya tatanggapin ni Ma’am Tanya kapag nalaman niya na nakabuntis si Sir?”
“Mariz, hinaan mo ang boses mo at baka may ibang makarinig sa iyo.”
“Tulog pa ang ibang kasama natin dito dahil masyado pang maaga,” tila balewalang wika ni Mariz na mabigat ang naging pagbuntong-hininga.
Napahawak si Tanya sa kaniyang bibig. Nanginig bigla ang kaniyang pakiramdam dahil sa narinig.
Si Karzon ay nakabuntis? Gaano iyon katotoo?
“We need to hide somewhere…” naalala pa ni Tanya na wika ni Karzon.
Bakit ba sila magtatago? Dahil may
