***LEREN’s POV***
Kinabahan ako nang sa pagbiling ko sa pagkakahiga ay hindi ko nakapa ang aking asawa. Pagmulat nga ng aking mga mata ay nakita kong mag-isa lang pala ako sa aming kama.
Nasaan ang asawa ko?
Pipikit-pikit kong sinulyapan ang wall clock. Ala-una y media na. Hindi pa ba nakakauwi mula sa trabaho ang lalaking iyon?
Nagtataka at pupungas-pungas na lumabas ako sa aming kuwarto. At dahil lagi akong puyat, losyang ang hitsura kong naglalakad. Animo’y nasabunutang multo ako.
“Sweetheart? Zrion?” tawag ko sa aking asawa sa may study room niya.
Walang sagot. Tahimik ang kuwarto, walang bakas ang aking asawa. Maliban kay Poh na biglang bungad sa paanan ko nang isinara ko ang pinto ng study room. Hinimas ko siya sa noo at kasama ko ang pusa ko na lumipat ako sa may nursery r
