***LEREN's POV***
"Sabihan niyo si Leren na iwasan na niya ang Zrion na 'yon," narinig kong sabi ni Kent kina Corinne at Xalene.
Hindi pa nila alam na nasa likod ako ng pinto at nakikinig sa usapan nila. Na nakabalik na ako mula sa paghatid ko kay Zrion sa kuwarto nito.
Matapos ko kasi silang awatin sa masamang tinginan nila ay inilayo ko na si Zrion at baka sila naman ang magbarilan. Mabuti na lamang at hindi umangal 'yong dyablo.
"Alam na ni Leren ang ginagawa niya," ani Xalene.
"Ako na lang ang kakausap sa kanya," pagkukusa naman ni Corinne.
Nag-uusap sila habang inaayos nila ang mga gamit nila sa bag nila. Binabantayan at pinapanood naman sila ni Kent.
Wala na ang ulan. Wala na rin daw ang malaking kahoy sa kalsada. Higit sa lahat ay wala nang mga lalaki na gusto kaming pagb
