***LEREN's POV***
Mabilis pa sa kidlat na nilapitan ko ang monitor kung saan napapanood sina Zrion, Al, at Rog na nakikipaglaban sa napakadaming lalaki. Mukhang naubos na ang bala ng kanilang mga baril kaya mano-mano na ang kanilang labanan.
"Iwasan mo!" mando ko kay Zrion nang makita kong hahatawin siya ng palakol, na parang naririnig niya ako kahit hindi naman.
"Sige, balian mo 'yan ng leeg! Ang lakas ng loob na saktan ka!" gigil na sabi ko pa. Maangas na naisuntok ko ang kamao ko sa sariling palad ko. Para lang akong nanonood ng pelikula. Gayunman, ang totoo ay labis-labis na ang kaba sa dibdib ko para sa buhay niya.
"Ay, sh*t!" Napapikit naman ako nang muntik nang tamaan sa braso si Zrion nang isa pang igkas ng kalaban sa palakol nito.
"'Pag talaga namatay ka riyan, papatayin
