***LEREN's POV***
"Kailangan nating gawing pera ang mga ito para mabuo ko ang isang milyon at makapasok na ako sa website ng Exodus, pimps," deklara ko pagdating na pagdating ni Xalene sa bahay.
Nakalapag sa center table ng aming sofa ang hikaw ni Miss Eyrna, ATM card ni Kuya, kuwintas ni Kent, at ang gown na binili ni Zrion.
"Pag-aaksayan mo talaga ng pera ang Solomon na 'yon?" Hinawakan ni Xalene ang hikaw na ibinigay sa akin noon ni Miss Eyrna. Kinilatis niya na parang may alam siya tungkol sa mga alahas. "Sayang naman ito. Kung tutuusin ay isa ka na sa pinakasuwerteng nilalang sa balat ng lupa dahil ikaw ang pinakatangi-tanging binigyan ni Miss Eyrna ng hikaw. And take note sariling hikaw niya pala talaga. Malay mo mahalaga sa kanya ito pero ibinigay niya pa rin sa iyo para mapasa
