"ANO'NG nangyayari sa apo natin, Trixia? Bakit kaya siya pumapalahaw ng iyak?" hindi magkandatutong tanong ni Mang Henry sa asawa.
Kasalukuyan itong nagluluto ng hapunan nilang mag-asawa ng biglang pumalahaw ng iyak ang dalawang buwang sanggol. Samantalang ilang araw ng wala ang ina pero hindi naman ito ganoon kaya labis ang pagtataka niya ng umiyak ito ng pagkalakas-lakas.
"Hindi ko nga rin alam, asawa ko. Wala naman siyang lagnat. Okay naman ang lahat lalo bago naman ang diaper niya," kinakabahan na ring tugon ni Aling Trixia.
Iba ang pakiramdam niya. Ngunit ayaw niyang sabihin. Dahil ayaw niyang madagdagan pa ang pangamba nito.
"May mga labada ka bang damit ni Crystal Angela? Kako kasi baka hinahanap niya ang kaniyang mommy kaya siya umiyak. Ako ang natatakoy sa kaniyang paraan ng p
