"SAGLIT lang. Nandiyan na," ani Aling Wilma dahil sa sunod-sunod na pagkatok ng sinumang nasa labas ng bahay niya samantalang malalim pa ang gabi kung tutuusin.
Dahan-dahan niyang iniwan sa higaan nilang mag-apo ang mahimbing pang si BF, saka walang tunog niyang tinungo ang pintuan.
Kaso!
"Inay!" Salubong ni Jona sabay yakap sa inang ilang taon din niyang hindi nakasama simula nagtungo siyang Saudi.
"Jona anak ko, kailan ka pa dumating? Pasok ka muna anak." Hindi magkandatutong ang Ginang dahil na rin sa sari-saring emosyon.
Pinagtulungan nilang hinila ang dalawang maleta ng bagong dating. Sabay din silang pumasok at nagsara ng pinto.
"Ang payat mo na, anak? Kumusta ka na? Kumain ka na ba?" sunod-sunod pang tanong ni Aling Lina.
Pero imbes na sagutin ito ni Jona ay hindi dahil yumak
