The Story of Us

Prologue Mark's POV Hindi ko alam kung anong meron sa araw na to pero ang swerte ko. Hindi ko akalaing magugustuhan n'ya yung hinanda ko. Ngayon yung ika-100 days naming in a relationship. It's already 1am so it's done. Start of our 101st day na. Kapag talaga kasama mo yung taong mahal mo hindi mo mapapansin yung oras. Sobrang bilis lalo na pag masaya ang nangyayari. I'm deeply in love with Stephanie. Kaya makasama ko lang s'ya ayos na, makita ko nga lang s'ya masaya na ako. Kasalukuyang naglalakad ako papuntang kabilang highway para sumakay ng taxi. Napatigil akong bigla nang mag-green light at umandar na yung mga kotse. Sayang maghihintay pa tuloy ako para mag-red light ulit. Habang naghihintay ako na mag-red light ay may babaeng nasa gilid ko mukhang tatawid din s'ya. Pero laking gulat ko nang bigla s'yang tumawid kahit naka-green light pa. "Miss naka-green light pa!" sigaw ko sa kanya pero parang hindi n'ya ako narinig. Kaya mabilis ko s'yang hinila. Dahil sa sobrang lakas ng pagkahila ko ay napayakap kami sa isa't-isa. Muntik na yun ah. Ayoko pa namang may mamatay sa harap ko. "Miss ayos ka lang? Muntik ka na dun ah," sabi ko pero hindi s'ya sumagot kaya hinawakan ko s'ya sa magkabilang braso at hiniwalay sa pagkakayakap namin. "Hey Miss?" tawag ko ulit sabay alog ko sa kanya. Hindi ko alam kung lasing ba s'ya o baliw lang. Pero mukha namang maayos ang itsura n'ya dahil ang ganda pa ng ayos n'ya. Dahan-dahan n'yang inangat ang ulo n'ya at humarap sa akin. Nagulat ako nang makita ko ang mukha n'ya. Maganda s'ya pero walang expression ang mukha n'ya at ang mas ikinagulat ko pa ay dahil… umiiyak s'ya.