Kabanata XXXIX
SIMOUN
NABITAWAN ko ang mga kamay ng aking pinakamamahal na asawa. Hindi dahil sa dami ng tao kundi dahil sa humablot sa akin mula sa aking likuran.
Wala na akong ibang namalayan pa nang mahilo ako sa kasunod na nangyari. Natakpan ang bibig ko ng kung ano at wala na rin akong magawa pa.
Gising ang aking diwa sa mga nagaganap ngunit wala akong lakas upang manlaban.
NAIGISING ako sa isang madilim na lugar. Nakagapos ang mga kamay ko at may busal ang aking bibig.
Nasaan si Celeste? Nasaan ang asawa ko? Nasaan ako?
“Gising ka na palang hayop ka?” sabay tadyak sa akin ni Juancho.
“Aaaarrgghh,” pinuruhan niya ako sa sikmura.
“Kung hindi ko pa malalaman, anak ka pala ng matandang Buenavista na iyon, hayop ka!” saka niya ako pinatayo at sinutok ng sinuntok.
Mayabang lang s
