Kabanata XXX
CELESTE
PAGBALIK naming dalawa kasama ang mga bata sa kanilang tahanan ay nakita namin ang kumpulan ng mga tao doon.
“Tiyo, may salu-salo sa ating lugar,” patakbong wika ng isang bata.
“Halina at tingnan natin, Alexander,” pag-aanyaya ni Emmanuel.
Nagtakbuhan silang apat.
Kaming dalawa naman ni Simoun ay nagkatinginan.
“Anong meron, mahal?” tanong ko sa kanya habang nakakapit lang sa kanyang braso.
“Maging ako ay hindi ko alam kung anong meron sa aming lugar ngayon,” aniya.
“Halika na at tunghayan na lamang natin kung ano ang mayroon doon,”
“Halika na,” aniya sabay akbay sa aking balikat.
Palubog na ang araw at palapit na rin kami sa kanilang lugar.
Nagtitinginan ang mga tao sa amin habang kami ay papalapit. Mga matang nagsasabi na, maligaya sila sa pagbabalik ng i
