Hindi na siya nakapalag dahil hindi ko siya papayagan. Alangan namang iwan niya akong mag-isa, hahahaha!
"Relax... wag ka kasing masyadong ma-tense. Enjoy-in mo lang 'yong ride," sabi ko sa kaniya. Kami na ang sunod sa pila kasi hindi naman ganoon kahaba ang pila dito sa roller coaster.
Mas marami kasi 'yung bata kesa sa matatanda, pansin ko lang kaya 'yung mahabang pila, mostly doon sa mga kiddie ride.
"Ayos lang bang hawakan ang kamay mo... p-para lang hindi ako matakot," ani 'ya. Nagtama ang mga mata namin, hindi ko alam kung papayag ako o hindi kasi alam kong nakabantay si Dion. Baka bigla na lang siyang sumulpot at hilahin ako palayo kay Ralph. Hindi man no'n ugaling mag-eskandalo, handa iyong maging eskandaloso kung ako ang involved. Hindi sa nagmamayabang pero ako ang pinakamaha
