"OPO, Sir, nasabi ko na po iyan doon sa representative ni Dion. Asahan niyo pong hindi na nila pag-aaksayahan ng oras na alamin pa ang katotohanan tungkol sa kapeng iyon."
Masaya na naman ang kampo ni Mr. Wang dahil sunod-sunod na sumasang-ayon ang tadhana sa kaniya. Matinik ang matandang Chinese at napagsasabay niyang asikasuhin ang lahat niyang plano sa iba't ibang tao. Naputol na ang tawag kung kaya't nagkaroon na ng dahilan para magpahinga si Mr. Wang. Nakahiga sa malambot na kama ang limampu't anim na taong gulang na lalaki, masayang niyayapos kaliwa't kanan ang babaeng nakayakap sa kaniyang katawan.
"Makakatulog na naman nang matiwasay ang sugar daddy niyo," wika niya at malokong tumawa. "Bantayan niyo kami ng mga babae ko, ha. Mamaya naman ay kayo naman ang panonoorin kong makipag
