Alliyah's POV
"Congratulations, Misis. You are 6 weeks and 5 days pregnant," nakangiting bati sa akin ni Doctora Arellano habang kasalukuyan niyang inu-ultrasound ang tiyan ko.
Ako naman ay nakahiga sa isang single bed at hindi makapaniwalang tumitig sa kanya dahil sa sinabi niya. Tumingala ako at pinagmasdan ang maliit na screen na malapit sa ulunan ko.
"T-Talaga po, Doctora?" Hindi ko pa maintindihan ang nilalaman ng screen dahil puro black lang ang nakikita ko ngunit sa gitna nito ay may naaaninaw akong maliit na bagay na tila gumagalaw.
"Nakikita mo na ba? Hayan siya." Itinuro niya naman sa akin ang maliit na bagay na iyon sa screen habang bahagyang nakadiin sa puson ko ang gamit niya sa ultrasound.
"Anak ko." Naluha ako sa hindi mapangalanang saya habang pinagmamasdan siya. Pin
