Alliyah Rein's POV
"Am I right? Isa kang baliw, kayong magkapatid. Ano bang ginagawa niyo sa siyudad na ito? Doon kayo sa bundok nababagay. Ang mga baliw na katulad niyo ay sa bundok lang nararapat at hindi bumababa dito sa maraming tao. Duh! Mamaya niyan eh makapanakit pa kayo dito ng mga inosenteng tao. Tsk," mahaba niyang litaniya habang nakahalukipkip ang mga braso niya sa dibdib niya.
Sasagot na sana ako nang bigla ulit magsalita ang Doctor.
"Ma'am, sige na po, kahit saglit lang po. May mga itatanong lang po ako sa inyo."
"Ano bang sinasabi mo?! Hindi niyo ba nakikita 'yong kasama kong lalaki? Nand'yan lang siya kanina. Mamaya babalik din 'yon."
"Ma'am, wala po talaga eh."
"Baliw ka na. Dapat sa iyo ay sa mental," muling sagot ng demonyitang kulot na ito ang kasunod ang paghalak
