Amanda’s POV
“Babalik na lang ako maya-maya Nay.” Paalam ko kay Nanay dahil buong araw akong nandito at nagpalipas ng gabi. Gusto ko rin umuwi para makaligo, habang si Seyang ay mananatili rito para bantayan si Nanay.
Ngumiti lang si Nanay saakin saka tumango.
Kinuha ko na ang bag ko na nasa sulok.
“Mga anong oras ka babalik, Amy?” Tanong bigla ni Seyang.
“Maya-maya.” Sagot ko saka na dumiretso sa may pintuan.
“Anong oras nga? Para alam ko, ano kasi— may VIP akong kostumer na nagpapagupit— ano home service at maisingit ko lang mamaya.” Natigilan ako at tinanguan si Seyang.
“Pagkatapos ng tanghalian. Lilinisin ko rin kasi ‘yung bahay.” Ngumiti ako rito nang ngumiti rin ito saka tumango.
“Osige-sige! Go na!” Iminwestra pa nito ang kamay na pawang pinaapalis ako. Kumaway lang a
