MAGAAAN ang dibdib ko kahit papaano dahil tanggap na ni Mama ang sitwasyon ko. Naiyak ako ng banggitin niya sa akin na magpakatatag ako para sa baby ko at magsikap para sa aming dalawa.
Aniya ay gagabayan lang niya ako bilang ina.
“Wala naman akong magagawa dahil nandiyan na ‘yan. Ayusin mo na lang ang buhay mo at palakihin ang anak mo ng maayos,”
Sa halos isang linggo na malamig ang trato ay um-okay na ngayon. Kaya magaan na ang pakiramdam ko. Alam kong hindi lang ako mag-isa sa buhay. Gagabayan ako ni Mama para palakihin ang baby ko.
Nagpatuloy ang mga araw at nagsimula na kong uminom ng gamot at gatas.Lumalabas na din ang morning sickness ko. Ang hirap pala. Hindi ko akalain na ganito ang pagbubuntis. Mangiyak-ngiyak ako tuwing umaga dahil sa pagduduwal na halos ilabas ko na ata ang
