Katatapos lang ng meeting nila Aiyanna kasama ang team nila para sa project ni Clyde kaya naman nagyaya siyang mag-merienda muna sila sa isang kalapit lang na coffee shop, tutal malapit na rin naman ang out nila sa opisina at wala na rin silang gagawin.
Um-order lang siya ng caramel macchiato at isang slice ng cake bago naupo sa isang bakanteng pwesto na kasya silang lahat.
"Ma'am may bibilhin lang ako sa kabilang shop, mabilis lang ako." paalam ni Amber sa kanya.
"Go ahead, wala pa naman 'yung pagkain natin." aniya bago binuklat ang magazine na kinuha niya sa magazine stand doon. Sumama rin dito sina Chelle at Chris, hindi na rin naman naka-palag si Mico nang yayain din ito ng tatlo dahil hinila na ito ni Chris kaya sila lang ni Jacqueline ang naiwan doon.
"Are you okay, Jac?" napansi
