CASSANDRA
Walang mapaglagyan ang sabik na nadarama ko ngayong araw. Ngayon na kasi ako babyahe pauwi sa amin. Mabuti na lang talaga at nakabili pa ako ng ticket dahil marami rin ang uuwi ngayon dahil buena noche na mamaya. Kahit kakaunti lamang ang maiuuwi kong salapi, masaya na ako dahil magkakasama kong muli sila nanay.
"Mamaya ka na babyahe?" Napalingon ako sa likuran noong marinig ang boses ni Daniel. Narito kasi ako sa hardin, nagbubunot ng mga d**o. Nilulubos ko na ang gawain para pagbalik ko, kakaunti lang ang tatrabahuhin ko.
"Oo. Bakit ka nandito? Akala ko kasama ka sa maghahatid kay Senyorita," usal ko. Itinigil ko na muna ang aking ginagawa at tumayo para harapin si Daniel.
Wala namang ibang tao maliban sa amin kaya ayos lang na kausapin siya.
"Oo sana. Pero no'ng nalaman
