CASSANDRA
Kagabi pa ako hindi mapakali kakahintay sa tawag mula sa pamilya ko o kahit kay tiya man lang. Iniisip ko kung ibinigay na ba nito sa kapatid ko ang selpon o sadyang wala lang silang load para makatawag sa akin.
"Ayos ka lang ba iha? Kanina ko pa napapansin na balisa ka. Hindi mo ba ibig magluto? Pwede ka namang maghugas na lang o kaya kung gusto mo, sumama ka na lang sa akin sa palengke at mayroon akong bibilhing mga sangkap at hindi ko namalayan na wala na palang stock sa bodega," suhestyon ni manang Chabita.
Dalawang araw na lang at sasapit na ang kapaskuhan. Bukas ko balak nai uuwi sa amin. Magpapaalam na lang ulit ako kay Don Fernando mamaya pagdating niya. Pero ang iniisip ko, kailangan ko munang makausap sina Toto bago sana sumapit ang bukas. Gusto ko silang surpresahi
